Chapter 5 Conclusion ဘယ်လိုရေးမလဲ

1. Introduction (မိတ်ဆက်ပိုင်း)

စာတမ်းရဲ့ ရည်ရွယ်ချက်ကို အတိုချုံးပြန်ဖော်ပြပေးပြီး၊ လေ့လာမှုကို ဘာကြောင့်လုပ်ခဲ့သလဲဆိုတဲ့ အကြောင်းပြန်ထည့်ပေးဖို့လိုပါတယ်။ အဲ့ဒီနောက်မှာ “ဒီအခန်းမှာ လေ့လာမှုရဲ့ ရလဒ်တွေ၊ အကြံပြုချက်တွေကို ဆွေးနွေးမယ်” လို့ အတိုချုံးပြောပေးရင် ရပါပြီ။

2. Findings (ရှာဖွေတွေ့ရှိချက်များ)

ဒီပိုင်းကတော့ လေ့လာမှုမှာ တွေ့ရှိခဲ့တဲ့ အဓိကအချက်တွေကို ပြောပြရမှာပါ။

– လေ့လာမှုမှာ စုဆောင်းခဲ့တဲ့ အချက်အလက်တွေကို အခြေခံပြီး ကျနော်တို့ ဘာတွေတွေ့ရှိခဲ့သလဲ ဆိုတာကို ရှင်းပြဖို့လိုပါတယ်။
– Chapter 4 (Results) မှာပြခဲ့တဲ့ အရာများကို အဓိပ္ပာယ်ရှိတဲ့ အနေနဲ့ ကောက်ချက်ချပြီး ရေးပြရပါမယ်။
– “လေ့လာမှုအရ X ကိစ္စက Y နဲ့ ဆက်စပ်မှုရှိတယ်”၊ “Z ပြဿနာကြောင့် A ပြဿနာဖြစ်ပေါ်တယ်” ဆိုသလိုမျိုး အတိအကျပြောပြရပါမယ်၊ လေ့လာမှုရဲ့ ရည်ရွယ်ချက်နဲ့ ကိုက်ညီဖို့လိုပါတယ်။
– ဒေတာတွေကို အကျယ်တဝင့် မပြန်ရေးပါနဲ့၊ အဓိကရလဒ်တွေကိုပဲ အတိုချုံးပြောပေးရုံပါပဲ။

3. Suggestions (အကြံပြုချက်များ)

ဒီပိုင်းကတော့ လေ့လာမှုမှာ တွေ့ရှိခဲ့တဲ့ ပြဿနာတွေ သို့မဟုတ် ကန့်သတ်ချက်တွေကို အခြေခံပြီး လက်ရှိအခြေအနေကို ပိုကောင်းအောင် ဘယ်လိုလုပ်သင့်မလဲ ဆိုတဲ့ အကြံပေးရတာပါ။ findings တွေကို ဆက်စပ်ပြီး ကောက်ချက်ချရပါမယ်။

– လေ့လာမှုနဲ့ ပတ်သက်တဲ့ နယ်ပယ်ထဲမှာ ဘယ်လိုအပြောင်းအလဲလုပ်ရမယ်၊ ဘယ်လိုဆက်လက်လုပ်ဆောင်ရမယ် ဆိုတာကို ရေးပြပါ။
– ဥပမာ- “ပညာရေးနယ်ပယ်မှာ ဒီနည်းလမ်းကို အသုံးပြုမယ်ဆိုရင် ကျောင်းသားတွေရဲ့ စွမ်းရည်က ပိုတိုးလာမည်” လိုမျိုး တိကျတဲ့ အကြံပြုချက်မျိုးပေးပါ။

4. Recommendations (အကြံပေးချက်များ)

Suggestions နဲ့ အနည်းငယ်ကွာခြားပါတယ်၊ ဒီပိုင်းကတော့ နောက်ထပ်လေ့လာမှုတွေ သို့မဟုတ် အဖွဲ့အစည်းတွေအတွက် ဘယ်လိုလုပ်သင့်မလဲ ဆိုတဲ့ ညွှန်ကြားချက်မျိုး‌ ရေးပေးရတာပါ။

– “နောက်ထပ်လေ့လာမှုမှာ ဒီကိစ္စကို ပိုကျယ်ပြန့်စွာ လေ့လာသင့်ပါတယ်”၊ “အစိုးရအဖွဲ့အစည်းတွေက ဒီမူဝါဒကို ထည့်သွင်းသင့်ပါတယ်” ဆိုသလိုမျိုး ရေးပါ။
– နောက်လေ့လာမှုရဲ့ ဦးတည်ချက်၊ နယ်ပယ်၊ နည်းလမ်းတွေကိုလည်း အတိုချုံးအကြံပေးနိုင်ပါတယ်။

5. Conclusion (နိဂုံးချုပ်)

နောက်ဆုံးမှာ စာတမ်းတစ်ခုလုံးရဲ့ အဓိကနိဂုံးကို ပြန်တိုက်ရိုက်‌ ဖော်ပြပေးပါ။ လေ့လာမှုက ဘယ်လောက်အရေးကြီးပါတယ်၊ ရလဒ်တွေက ဘယ်လိုအကျိုးသက်ရောက်မှုရှိပါမယ်ဆိုတာကို အတိုချုံးဖော်ပြပြီး အဆုံးသတ်သင့်ပါတယ်။

နပေတိုး